Official na nga ang date ng pagbabalik ng bagong show ni Willie Revillame sa TV5 ang mas pinaganda at mas pinasayang Primetime Variety Show sa gabi ang ‘Wiltime Bigtime’ ngayong May 14, 2011.
Nauna ng binalita sa programang Juicy Express ni Cristy Fermin na may basbas ni Willie kaninang umaga May 9, 2011 ang sa Sabado na nga ang muling pagbabalik ng bagong programa ni Willie Revillame with the same time slot pa rin mula 5pm ng hapon hanggang alas 8pm ng gabi siyempre sa TV5.
Nilabas na rin kanina ang teaser ng WILTIME BIGTIME na mapapanood lamang sa TV5 with new set of studio at game segments na talaga namang mapapawow ka sa sobrang ganda na talagang pinaghandaan.
Wala pang inilabas na official statement ang pamunoan ng TV5 at Wil Productions regarding sa pagbabalik ng bagong programa dahil sa Huwebes (May 12, 2011) pa daw sila maglalabas ng kanilang Official Statement tungko dito.
Ilang araw na lang ang bibilangin ng ating mga kababayan dahil ilang tulog na lang ay magbabalik na naman ang ningning ng mga gabi nyo, mapapawi na naman ang pagod ng mga galing sa trabaho, panandaliang mawawala ang lungkot ng mga OFW at abot tengang ngiti ng mga lola at lolo nyo.
Kaya sa muling pagbabalik ng show, asahan na natin ang bonggang WILTIME BIGTIME!
