Marami ang nag-aakala na porke nasungkit ng TV5 si Aga Muhlach ay susundan na rin siya ni Angel Locsin. After all, interesado rin yata ang Kapatid network sa aktres na galing din ng GMA 7 bago napunta ng ABS-CBN.
Pero marami ang mabibigo kapag inasahan nila ang ganito sa aktres. Unang-una na, may kontrata ito sa Kapamilya Network. ’Di tulad ni Aga na natapos na ang serye, si Angel ay nasa kasagsagan pa ng Imortal na pinagtatambalan nila ni John Lloyd Cruz. At nag-i-enjoy ito ng malakas na viewership ng kanyang serye.
“Maganda ang trato sa akin dito, bakit ko naman aalisan? Gusto ko rin ’yung pacing ng trabaho ko, hindi sunud-sunod, may pahinga at may pagkakataon na gumawa ng ibang bagay,” pagtatanggol ng magandang Kapamilya na umaming hindi naman naging malamig ang kanyang Pasko kahit pa nag-break sila ni Luis Manzano.
“Bagong taon, bagong pag-asa. Malay n’yo baka ma-meet ko rin this year ang right guy for me. Masarap na feeling ’yung alam mong may nag-aalala sa ’yo, ’yung may nag-aasikaso,” pag-amin ng aktres.
