KAHIT kalat na ang balitang pumirma na ng kontrata sa Kapatid network si Aga Muhlach ay nananatiling tahimik ang mga executive ng TV5 kapag inuusisa ng entertainment press tungkol doon.
Ayon sa isang executive ng TV station ni Mr. Manny V. Pangilinan na nakausap ko, wala pa silang go signal mula sa kanilang big boss, pati sa TV5 Pres. Rey Espinosa, kaya hindi pa sila puwedeng magbigay ng official statement tungkol doon. Malamang na sa Enero pa sila maglalabas ng official announcement para formally ay i-welcome sa Kapatid network si Aga.
Basta sa ngayon, ang bilin lang sa kanila ay “dedma” muna kapag inuusisa ng entertainment press tungkol sa paglipat ni Aga sa Kapatid network. Anyway, ayon sa isang source ko, isang sitcom with Willie Revillame ang “niluluto” ng Kapatid network para kay Aga. Magkaibigan sina Aga at Willie at ang huli raw ang nag-conceptualize ng project na ‘yon.
