Wala si Miriam sa storycon ng Ang Utol Kong Hoodlum dahil umalis siya noong Lunes pa-New York. Sa lugar na ‘yon siya magpa-Pasko at doon na rin niya sasalubungin ang 2011 kasama ang mga kamag-anak niya.
Sabi ni Miriam, first time niya na magwa-“White Christmas” kaya excited siya. Sa huling text sa akin ni Miriam, naikuwento niyang busy na siya sa pamamasyal sa New York kasama ang kanyang mga kamag-anak. Bago umalis papuntang New York, nakapag-Christmas shopping na si Miriam para sa ilang relatives at sa kanyang tatay.
Ang bibilhin na lang daw ni Miriam sa New York ay para sa kanyang nanay at kapatid.
Kailangang bumalik kaagad ni Miriam ng Pilipinas sa Enero 6 para sa taping ng Ang Utol Kong Hoodlum.
