Confirmed na Kapuso na si Marc Abaya! Siya ang anak ng kilalang direktor na si Marilou Diaz-Abaya. Bilang isang musikero, marami na siyang naging achievements mula noong nadiscover ang grupo niya na Shirley Beans sa isang battle of the bands. Naging miyembro siya ng Sandwich tapos naging lead vocalist ng KJwan.
Hindi lang siya sumikat bilang isang band member kundi bilang isang VJ hanggang sa pasukin na rin niya ang larangan ng pag-arte sa TV at sa pelikula. Una siyang umarte sa Ligaw na Bulaklak kung saan nagbibida si Roxanne Guinoo hanggang sa masundan ng iba’t ibang shows sa ABS-CBN bilang isang aktor at isang host.
Huli siyang nakita sa teleseryeng Magkaribal sa ABS-CBN hanggang sa magkaroon ng sunod-sunod na guestings sa Party Pilipinas. At kanina lang ay nagbigay na siya ng confirmation na official Kapuso siya dahil isa na siya sa mga nadagdag sa musical-variety show ng GMA7 na PartyPilipinas. Semi-regular siya sa show na ito dahil sa tuwing episode lang ni Direk Rico Gutierrez siya makikita.
