Ang ganda ng teaser ng Dwarfina, ang fantaserye na pagbibidahan ni Heart Evangelista kapareha si Dennis Trillo.
Paano nga ba magkagustuhan ang isang mortal at isang duwende? Ito ang sasagutin ng fantaserye na kaya pala sunud-sunod ang pagpapalabas ng trailer ay dahil sa January 10, 2011 na ang premiere at papalit sa Grazilda.
Malaki ang cast nito, na kinabibilangan ni Pauleen Luna at kasama si Mark Bautista sa first soap niya sa GMA-7. Join din si Kylie Padilla, anak ni Robin Padilla, at narito rin si Congresswoman Lani Mercado.
Ang mga bumubuo pa ng cast ay sina Angelika dela Cruz, Janice de Belen, Iwa Moto, Emilio Garcia, Jackielou Blanco, Mico Aytona, Cris Villanueva, Will Devaughn at Chanda Romero.
