Kahapon ang storycon ng Captain Barbell at December 15 na ang first taping day at mukhang may pagbabago sa mga makakasama ni Richard Gutierrez. Kung leading lady ni Aljur Abrenica si Bela Padilla sa Machete, ibig sabihin, aalisin si Bela sa Captain Barbell.
Baka hindi na rin matuloy si Mark Herras sa serye at ang isa pang mawawala ay si Paulo Avelino na dapat ay main kontrabida ni Richard. Inalis din si Paulo dahil siya ang leading man ni Louise delos Reyes na ilu-launch sa Alakdana.
Hindi pa masabi ni Leo Dominguez, manager ni Paulo kung alin sa dalawang projects ang tatanggapin ni Paulo dahil confused daw siya.
Maganda sana kung parehong nasa Alakdana at Captain Barbell si Paulo, pero baka hindi niya kayanin ang taping na tiyak parehong mahirap. Basta ang alam namin, matutuwa si Aki sa pagiging in-demand ng ama niyang si Paulo.
