Ang pinakamalaki at pinakaaabangang talent search sa buong mundo ay muling mapapanood sa Q Channel 11 simula January 2011 – ang American Idol Season 10!
Siguradong tututok ang libu-libong Pinoy na American Idol fanatics sa simula palang ng taon dahil isang round na naman ng mga kahanga-hangang performances ang mapapanood. At sa pinakaaabangang 10th Season nito, bibida hindi lang ang mga magagandang pagbabago na mas magpapakulay sa talent competition kung hindi pati na rin ang dalawang sikat na artists sa entertainment at music scene. Simula January ay makakasama na ng IDOL host na si Ryan Seacrest at resident judge na si Randy Jackson ang actress, movie producer, at platinum-selling recording artist na si Jennifer Lopez at ang Grammy Award-winning singer, songwriter at rock icon na si Steven Tyler!
Makakasama rin ng hopefuls ang respetadong record producer na si Jimmy Iovine, chairman ng Interscope Geffen A&M Records, bilang in-house mentor. Ibabahagi ni Iovine sa mga contestants ang kanyang expertise at mga tips kung paano nila makukuha ang title na American Idol Season 10.
