SUNUD-SUNOD ang swerte kay Dingdong Dantes. Pagkatapos niyang manalong Best Drama Actor sa Star Awards for TV, nominado siya bilang Best Actor sa Asian Televison Awards na gaganapin sa Singapore sa December 9.
Kauna-unahang acting award ang natanggap ni Dingdong mula sa Star Awards at parang may dala itong suwerte dahil sumunod ang nominasyon mula sa Asian TV Awards.
Malaking bagay na iyun na mapasama siya sa nominasyon.
Samantala, kakaibang challenge ang role na ginagampanan niya sa bagong pang-GMA Telebabad na I ♥ You Pare na pagsasamahan nila ni Regine Velasquez.
Ibang-iba raw ang role niya at look dito kumpara sa nagawa niya noon. Ibang putahe ito para sa fans niya dahil first niyang maka-partner si Regine sa isang drama series.
