Alam naman nating lahat na biglaang lumipat si Cesar Montano sa GMA7 sa kadahilanang gusto niyang magkaproject agad dahil ang dapat na babalikang “The Singing Bee” niya sa ABS-CBN ay set na bumalik sana ngayong “ber” season.
Unang ipinakilala si Cesar sa Kapuso Network sa pawelcome sa kanya ng Party Pilipinas at ang una niyang proyekto bilang isang Kapuso, ang Ilumina.
Sa mga nakakasubaybay ng Ilumina, kapansin-pansin ang maigsing role at nawawalan ng kwenta ang character ni Cesar ditto bilang ama ng mga bidang sina Romana at Santa. Sana naman ay magawan ito ng GMA7 dahil napakagaling na actor ni Cesar at siya ang inaakala ng karamihan kasama ang veteran actor na si Christopher de Leon na magdadala ng Ilumina.
Kung hindi sana lumipat si Cesar ay pinag-uusapan na ngayon ang pagbabalik ng kanyang “The Singing Bee”. Bali-balitang magkakaroon si Cesar noong una siyang lumipat ng isang game show. Nagkataon naming lumipat din si Edu Manzano na ngayon naman ay malapit nang umere ang game show na Asar-Talo, Laging panalo.
May pagsisisi kaya ngayon si Cesar sa paglipat niya sa Kapuso Channel?
