Akala namin maghuhubad si Mark Herras sa digifilm na Sapi dahil sabi’y most daring role niya ito.
Kaya pala daring, dahil first mature role niya ito and after this, serious actor na ang magiging tingin sa kanya ng tao ’pag napanood ang movie na showing sa November 5.
Sina Aiza Marquez at Stella Peñalosa ang kasama niya rito at sa mga nagtatanong kung kailan sila muling magtatambal ni Jennylyn Mercado, maghintay lang at next year, sunud-sunod ang projects nila kabilang ang Dear Friend at ang TV remake ng Tinik sa Aking Dibdib.
Nilinaw pala ni Mark ang isyung nagtampo siya sa GMA-7 dahil siya dapat ang kapareha ni Rhian Ramos sa LaLola, pero na-revise ang script at kapatid ng actress na ang role niya.
“Ang pangit naman noong kapareha ka, tapos kapatid ka na lang. Ano ’yon? ’Wag na lang at mabuti’t isinama ako sa Luna Mystica na six weeks lalabas ang character ko dahil paghahandaan na ’yung project namin ni Jennylyn,” sabi nito.
Ayaw sana naming maniwalang loveless si Mark, pero totoo raw at never na siyang nakipag-balikan kay Lian Paz ng EB Babes. Pero, friends na uli sila. Hinayaan na raw niya ang dalaga kay Direk Jeff Tan ng Eat Bulaga, na boyfriend ni Lian ngayon.
