Handa na ang Party Pilipinas para sa isang heart-stopping opening sa premier Sunday noontime program dahil may isang magpapaalam.
May temang Tibok, may dalawa pang legend na manggugulat sa show tulad ni Maricel Soriano noong isang Linggo. Alamin kung sino sila na babalik sa dance floor pero bukod sa kanila ay mas dapat abangan ang ipakikilalang new star na mula sa sikat na showbiz clan!
Bibisita si Richard Gutierrez at ang kanyang ka-liga sa Captain Barbell habang ang paboritong Tween Hearts love teams na sina Julie Anne San Jose at Elmo Magalona ay magpapakilig.
Hindi magpapadaig ang Party Pilipinas originals sa biritan — Ogie Alcasid, Janno Gibbs, Jaya, Kyla, at Rachelle Ann Go — at sasamahan pa nina Glaiza De Castro, Mark Herras, Kris Bernal, Rochelle Pangilinan, Jump In winners, at lahat ng Sayaw Pilipinas Crew.
Sundin ang tibok ng puso ngayong Linggo sa GMA 7 pagsapit ng alas-dose ng tanghali.